Их Британи, Франц улсуудыг холбосон, дэлхийд алдартай зам бол инженерийн гайхамшиг гэгддэг "Eurotunnel" юм. Нийт 50 км урттай энэхүү туннель нь дэлхийн хамгийн урт, далай доорх төмөр замын байгууламжуудын нэг юм.

Далай доорх тус туннелиэр автомашин, ачаа тээврийн хэрэгсэл болон зорчигчдыг тээвэрлэх галт тэрэгний тусгай үйлчилгээг "Le Shuttle" үзүүлдэг. Тодруулбал, жолооч нар Английн Фолкстон дахь терминалд шаардлагатай шалгалтуудыг хийлгэсний дараа тусгайлан зориулсан галт тэрэгний хэсэгт өөрийн тээврийн хэрэгслийг байрлуулдаг. Галт тэрэг Ла-Маншийн хоолой доогуурх туннелийг гатлан, зорчигчдыг ердөө 35 минутын дотор Францын Кале хотод хүргэдэг байна.

"Eurotunnel Le shuttle" нь ачаа тээврийн урсгалыг тасралтгүй хангаж, Европ тивийн худалдаа, эдийн засагт чухал үүрэг гүйцэтгэдэг бөгөөд жил бүр 2 сая гаруй автомашин дамжин өнгөрдөг гэнэ.

эх сурвалж: https://ipiu.mn/undefined/articles/68d9d28597c755152d0e5d3c